Këta janë dy Drenicasit qe dyshohet se vodhën qindra metra kabllo të Telekomit

Nën dyshimin se vodhën qindra metra kabllo telefonike tokësore nga Telekomi i Kosovës, prokuroria themelore në Prishtinë ka kërkuar caktimin e masës së paraburgimit prej një muaji për L. Makolli dhe B. Makolli nga Cikatova e Vjetër e Drenasit..

Në lidhje me rastin në fjalë Insajderi ka siguruar dosjen e Prokurorisë në të cilën thuhet se ekziston dyshimi i bazuar se personat e lartëcekur kanë shkaktuar një dëm prej 18,567.84 eurosh.

Ata dyshohet se vodhën 230 metra kabllo telefonike tokësore (500x4x0.4), Kabllo telefonike tokësore 170 metra (250×40.6), kabllo telefonike tokësore 100 metra 300x4x0.6).

“Ekziston dyshim i arsyeshëm se me datën me datë 13.05.2022 dhe 16.05.2022, rreth orës 12:00, në depo të PTK-Fushë Kosovë në Aziz Abrashi, ku kanë depërtuar brenda rrethojës se depos (depo e jashtme), dhe kanë arritur te vjedhin 230 metra kabllo telefonike tokësore (500x4x0.4), Kabllo telefonike tokësore 170 metra (250×40.6), kabllo telefonike tokësore 100 metra 300x4x0.6), me çka te dëmtuarës Vala-Telekomi i Kosovës i kanë shkaktuar dem material ne vlere18,567.84euro”, thuhet në dokumentin e prokurorisë të cilin e ka siguruar Insajderi.

Sipas dokumentit të prokurorisë, se a janë kryer veprat në fjalë, është dëshmuar nga gjendja e përshkruar, nga deklaratat e të dëmtuarve, nga deklaratat e dëshmitarëve dhe nga provat materiale që janë siguruar.

Ndër të tjera, në dokument thuhet se ekziston rreziku i arratisjes së të pandehurve për shkak të veprës penale , pasi duan ti shmangen kësaj përgjegjësie.

“Kërkesa për caktimin e masës së paraburgimit në kohëzgjatje prej një muaji është e arsyetuar dhe e mbështetur në ligjin e aplikueshëm”, thuhet në dokument.

Published
Categorized as Lajme