Aksident i rëndë në afërsi të Tunelit të Kalimashit, vdesin dy të rinj (EMRAT)

Një aksident i rëndë me dy viktima është shënuar në orët e para të mëngjesit, në aksin rrugor “Milot – Tuneli Kalimashit”, në vendin e quajtur “Vau Shkjeze”, Rubik.

Aksidenti u shënua rreth orës 02:30 të 20 gushtit 2022.

Shtetasi Marsel Busho “duke udhëtuar në këtë aks rrugor me automjet, ka humbur kontrollin mbi drejtimin e tij dhe mjeti është përplasur me mbrojtëset metalike anësore të rrugës. Për pasojë kanë humbur jetën dy pasagjerët që ndodheshin në mjet, konkretisht shtetasit Marius Çeça 31 vjeç, dhe Denis Gjeta 30 vjeç, banues në Tiranë”, informoi sot policia.

Drejtuesi i mjetit shtetasi Marsel Busho 35 vjeç, ndodhet në Spitalin e Traumes Tiranë, nën kujdesin e mjekëve, raporton abcnews.al.

Grupi hetimor vazhdon punën për sqarimin e plotë të rrethanave të aksidentit.

Published
Categorized as Lajme