Këta janë tre personat që dyshohet se rrëmbyen dhe torturuan 18-vjeçaren kosovare / EMRAT

Një ngjarje e rëndë ka ndodhur mbrëmë në Mitrovicë, ku tre persona kanë rrëmbyer një vajzë 18-vjeçare. Vajza e re u keqtrajtua për disa orë gjatë kohës që u mbajt e mbyllur në një lokacion të panjohur. E pas një pune hetimore të Policisë është arritur që të dyshuarit të arrestohen.

Sinjali mëson ekskluzivisht nga burimet e veta se tre personat që ranë në pranga pasi dyshohet se torturuan për orë të tëra vajzën e re janë, Berat M. 34-vjeçar, Hajdin M. 20-vjeçar dhe Gentian B. 20-vjeçar.

Që të tre dyshohet se me forcë kanë futur brenda veturës së tyre 18-vjeçaren, të cilën më pas e dërguan në një lokacion të panjohur ku kanë ushtruar dh unë ndaj saj.

Për shkak të lëndimeve të rënda, viktima është transportuar në Qendrën Klinike Universitare , ndërsa motivi i rrëmbimit akoma nuk dihet, por detajet që u kuptuan janë tronditëse.

Ajo çfarë e bën edhe më shokuese të gjithë ngjarjen është se Berat M. dyshohet se muaj më parë e kishte dhu nuar 18-vjeçaren.

Këtë e ka konfirmuar edhe zëdhënësi i Policisë së Kosovës për rajonin e Mitrovicës, Avni Zahiti, i cili tha se 34-vjeçari po hetohet edhe për veprën penale ‘Dh unim’.

Me urdhër të prokurorit, tre të dyshuarve u është caktuar masa e ndalimit në kohëzgjatje prej 48 orësh.

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

Published
Categorized as Lajme