Flet babai i të riut që vdiq në aksident bashkë me gruan e tij (VIDEO)

Tragjedia që tronditi Kosovën sot, ka shkatërruar familjen Sopaj nga Malisheva. Babai i 36-vjecarti që vdiq në aksident, mes lotëve e dhimbjes përshkruan si e mori lajmin e kobshëm. Motra e viktimës është në gjendje të rëndë. Thotë se po i priste vëllain, e i erdhi kufoma e tij dhe e gruas së tij.

Mëngjesin e sotëm një çift nga Malisheva gjetën vdekjen në një fshat në Podujevë. Aty gjendeshin, sepse kishin kaluar kufirin në Merdare, – se vinin nga Sllovenia me veturë, – dhe ishin nisur drejt vendlindjes.

Prindërit vdiqën, ndërsa dy fëmijët e tyre, 3 dhe 5 vjeç, po trajtohen në QKUK. Babai i 36 vjecarit që vdiq sot ka hapur dyert e shtëpisë së tij për të pame. Tregon se si e mori lajmin e kobshëm.

“Prej orës 3, ata tjerët janë shku atje, unë kam ndejtë me ta, e s’më kanë kallxu. Dy, tha, janë shku [kanë vdekur] e kush është shku s’kallxojshin”, thotë Sopaj për T7.

Sopaj thotë se fillimisht atij iu tha se është bërë një ndeshje e vogël dhe nuk e dinte se ai aksident i kishte marrë jetën djalit dhe rejës së tij.

“Policia na dha lajmin, e Malisheves, dy parë dyer i kem çelur, në mëngjes, edhe ato poshtë edhe këto lart. Ata thanë një ndeshje e vogël u bë ashtu-kështu, pasta me kerr kam shku menjëherë”, thotë ai.

Babai tregon se i biri, Shemsedini, kishte shkuar jashtë vendit para 15 vitesh, në moshë të re. Tregon se gruaja e tij, që poashtu vdiq në aksident, ishte në Kosovë para një jave.

“Ai që 15 vjet është atje. I ri u shku që 15 vjet. Vjen me kerr vetë me fëmijë. Para një javë, i ka vdek nana të shoqes së tij”, tregonte ai.

Motra e Shemsedinit është në gjendje të rëndë. Ajo u ka thënë mediave se po priste vëllanë me familje, por u erdhën kufomat e tyre.

Ndiqeni storjen duke klikuar në vegëzën e mëposhtme:

Published
Categorized as Lajme